Пра гэта паведаміў галоўны трэнер зборнай РФ Аляксандр Кастаглод.
У чэрвені выканкам Міжнароднай федэрацыі вяслярнага спорту прыняў рашэнне, што беларускія і расійскія спартоўцы ў абмежаванай колькасці змогуць удзельнічаць у чэмпіянатах свету. Асноўная ўмова – не падтрымліваць расійскую агрэсію супраць Украіны.
Арганізатары спаборніцтваў у Германіі вырашылі ўвогуле не дапускаць расійскіх і беларускіх весляроў да старту, таму спартоўцы з краін-агрэсарак не змогуць узяць удзел у чэмпіянаце свету-2023.
ЧС па веславанні на байдарках і каноэ пройдзе ў Дуйсбургу 23-27 жніўня. Яно з’яўляецца адборачным на Алімпіяду 2024 года.
Крыніца: Athletes for Freedom